აშშ-ში, ჯორჯიის შტატში სამხედრო-სატრანსპორტო თვითმფრინავი С-130 ჩამოვარდა, რომლის ბორტზეც 9 ადამიანი იმყოფებოდა. ამის შესახებ ტელეარხი WSAV-TV ადგილობრივ ხელისუფლებაზე დაყრდნობით იუწყება.
„ჩვენი ინფორმაციით, არავინ გადარჩა“, – განაცხადა ეფინგემის ოლქის შერიფის ოფისის ოფიციალურმა წარმომადგენელმა ჯინა ბილბომ.
თვითმფრინავი, რომელიც არიზონას შტატში, დევის-მონტანის სამხედრო-საჰაერო ბაზაზე მიფრინავდა, ავტომაგისტრალზე აფრენის შემდეგ მალევე ჩამოვარდა. ჯინა ბილბოს განცხადებით, ის, რომ თვითმფრინავის ჩამოვარდნის მომენტზე ავტომაგისტრალზე მანქანები არ იყო, ნამდვილი სასწაულია.