„დაიცავი საქართველოს“ ლიდერი საქართველოს ფოსტის ზუგდიდის ოფისიდან თავისი თანამებრძოლების პოლიტიკური ნიშნით გათავისუგფლებაზე საუბრობს. კახა მიქაიამ ფოსტიდან გათავისუფლებულ 3 პიროვნებასთან ერთად დღეს ჟურნალისტებისთვის ბრიფინგი გამართა. მიქაიას ინფორმაციით, ფოსტიდან დავით სორდია, საშკა მოლაშხია და ალიკა გეთია პოლიტიკური აქტიურობისთვის გაათავისუფლეს. „მივმართავ პრემიერ-მინისტს, სუსს, მთავრობას, ჩვენ ვამხელთ ხელისუფლებას ადამიანის უფლებების დარღვევაში. არ მოვითმენთ კორუფციას და კონტრაბანდას, რომელიც სამეგრელოშია გამეფებული. მივმართავ ფოსტის უფროსს ლევან ჩიკვაიძეს, ბ-ნო ლევან, ვინ არის ის ადამიანი, ვის დავალებასაც თქვენ ასრულებს და ვინ დაგავალათ ამ 3 ადამიანის გათავისუფლება, ნუ იქნებით განტევების ვაცი და თქვით სიმართლე“- განაცხადა კახა მიქაიამ. ერთ-ერთი გათავისუფლებულის დავით სორდიას თქმით, ის ჩიკვაიძემ აპრილის ბოლოს დაიბარა და უთხრა, რომ მას შეხედულებები შეეცვალა. სორდიამ ჟურნალისტებთან ჩიკვაიძესთან დიალოგის აუდიოჩანაწერი გაასაჯაროვა. სორდიას თქმით, ჩიკვაიძემ მას უთხრა რომ „ეს სამწუხაროდ მას არ უნდოდა, თუმცა ასე გამოვიდა.“ დავით სორდია ამბობს, რომ ჩიკვაიძეზე ზეწოლა ხორციელდება. ასევე მისი თქმით, 26 აპრილს ჩიკვაიძისგან ურთიერთშეთანხმების სფუძველზე შედგენილი დოკუმენტი, რომელზეც ხელი არ მოუწერია.ამის მერე დაერიცხა კომპენსაცია, თუმცა მითითებულია, რომ ეს არის აპრილის ხელფასი, რასაც სორდია პარადოქსულს უწოდებს. გათავისუფლებულმა თანამშრომლებმა უკვე მიმართეს ზუგდიდში მოქმედ ყველა არასამთავრობო ორგანიზაციას, ომბუდსმენის აპრატს და საჭიროების შემთხვევაში ბრძოლას სამართლებრივი გზით გააგრძელებენ.
კახა მიქაია- “ჩემი თანამებრძოლები სამსახურებიდან პოლიტიკური ნიშნით გაათავისუფლეს” [Video]
Published on