ზუგდიდის მუნიციპალიტეტის სოფელ ინგირში მოსახლეობა დილიდან აქციას მართავს. ადგილობრივები ცენტრალურ ქუჩაზე კანალიზაციის მილის გაყვანას აპროტესტებენ, რადგან მათი თქმით, მილთან დაქსელვა და მოსახლეობის კანალიზაციის ჭების მიერთება პროექტში გათვალისწინებული არ არის. „აქ სულ წყალი დგას, როცა გაწვიმდება და ეზოები იტბორება, ჩადეს პატარა მილები, მაგრამ არაფერმა უშველა, მერე გვითხრეს რომ კანალიზაცია გაკეთდება და იქ მოხდება შეერთებაო, მაგრამ ახლა კომპანიის წარმომადგენელი გვეუბნება, რომ პროექტში გათვალისწინებული არ არის და არ შეერთდებაო.ჩვენ არ გავატარებთ ტექნიკას, აქ დავდგებით, მოგვიტანონ დოკუმენტი და გვანახონ, რომ მოხდება დაქსელვა“- უთხრა „ოდიშინიუსს“ ერთ-ერთმა ადგილობრივმა. აქციის მონაწილეებთან ინგირის რწმუნებული შალვა ქავთარაძეც იმყოფებოდა, რომელიც ჟურნალისტებისა და თანასოფლელების მიმართ აგრესიიით გამოირჩეოდა, რასაც ჟურნალისტებთან სიტყვიერი შელაპარაკება მოყვა. ადგილობრივები ამბობენ, რომ რწმუნებულის სახელი და გვარი არ იციან, რადგან არ იცნობენ მას: „მოსახლეობასთან კონტაქტი არა აქვს, მხოლოდ არჩევნების დროს თუ გამოჩნდება, არ ვიცით ვინ არის, არ აინტერესებს საერთოდ სოფლის ამბავი“- აცხადებენ ადგილობრივები. „ არ გიცნობთ არა გეცეკვებით, მეტი რა გინდათ“- ასე მიმართა ადგილობრივებს რწმუნებულმა. მისი თქმით, პრობლემა მოგვარებადია და კანალიზაციასთან მიერთება მოხდება. თუმცა ადგილობრივებს ამ ინფორმაციის არ სჯერათ. ადგილზე ხარისხის ზედამხედველობის სამსახურის წარმომადგენელი მივიდა, რომელიც მონიტორინგს უწევს შერულებულ სამუშაოებს. ლევან სარჯველაძემ ჟურნალისტებს უითხრა, რომ ასეთი შემთხვევები სხვაგანაც იყო, თუმცა პრობლემა აღმოიფხვრა და აქაც დამატებითი დაპროექტების შედეგად მოხდება პრობლემის მოგვარება.
ინგირის მოსახლეობა ცენტრალურ საკანალიზაციო სისტემასთან მიერთების მოთხოვნით დილიდან აქციას მართავს [Video]
Published on