გიორგი მარგველაშვილი: “2016 წლის არჩევნები იყო პოლიტიკური კლასის მიზანმიმართული გაქრობა და პოლიტიკური პარტიების შესუსტება

0
345
2016 წლის არჩევნები იყო მიზანმიმართული გაქრობა პოლიტიკური კლასის, – ამის შესახებ საქართველოს პრეზიდენტმა გიორგი მარგველაშვილმა პარლამენტში ანგარიშით გამოსვლისას განაცხადა.
 
მისი თქმით, ამ პერიოდის განმავლობაში არ გადაიდგა ნაბიჯები იმისთვის, რომ გაძლიერებულიყო პოლიტიკური ოპოზიცია.
 
“2016 წლის არჩევნები იყო მიზანმიმართული გაქრობა პოლიტიკური კლასის, მიზანმიმართული შესუსტება პოლიტიკური პარტიების, როგორც მთავარი მოთამაშეებისა პოლიტიკურ სივრცეში. ამ პერიოდის განმავლობაში არ გადაიდგა ნაბიჯები იმისთვის, რომ გაძლიერებულიყო პოლიტიკური ოპოზიცია, იმისთვის, რომ შექმნილიყო წინაპირობა ძლიერი ოპოზიციისთვის, არც ერთი კანონმდებლობა არ შეიქმნა ამ მიმართულებით. საერთოდ, როცა მახსენდება 2015 წელს წამების კადრების საჯარო ჩვენება, მე შემიძლია ვთქვა, რომ ევროპული პოლიტიკური კულტურიდან და კლასიდან ნამდვილად გვაშორებს ასეთი ნაბიჯები. თუმცა ნამდვილად, ამ წლების განმავლობაში შეიცვალა სახელმწიფოს სახე და ის აღარ არის აგრესიული. მოქალაქეს სახელმწიფოსი აღარ ეშინია. განსხვავებით წინა წლებიდან. ეს ნიშნული თავიდანვე 2012 წელს დაიდო ხელისუფლების ცვლილების დროს და ეს ნიშნული შენარჩუნებულია“ – განაცხადა პრეზიდენტმა
წინა სტატიაკახა მიქაია- “ჩემი თანამებრძოლები სამსახურებიდან პოლიტიკური ნიშნით გაათავისუფლეს” [Video]
შემდეგი სტატია„ჩემი მეგობარი ზურა ჟვანია ამბობდა ხოლმე, რომ ყველაზე კარგი სტატისტიკა არის მაცივარი.” – პრეზიდენტმა მარგველაშვილმა ეკონომიკურ მდგომარებაზე ისაუბრა
ტელეკომპანია ოდიშის საინფორმაციო სამსახური