ივანიშვილის პარკში ხის გადატანის გამო, ცეცხლაურში ასწლოვანი ევკალიპტი მოჭრეს

0
407
სოფელ ცეცხლაურში ადგილობრივებმა ასწლოვანი ევკალიპტის მოჭრა გააპროტესტეს. მოსახლეობის ინფორმაციით, ჯანსაღი ხე მხოლოდ იმიტომ მოჭრეს, რომ ის შეკვეთილში ბიძინა ივანიშვილის აგარაკზე გადასატანი ხეების ტრანსპორტირებას აფერხებდა.წინააღმდეგობის გაწევის შემდეგ ხის გადამტანი კომპანიის წარმომადგენლებმა ტერიტორია დატოვეს.ქობულეთის სხვადასხვა სოფლებიდან შეკვეთილში ივანიშვილის აგარაკზე 15-მდე ხის გადატანა იგეგმება, ხეების ტრანსპორტირება სწორედ იმ გზით უნდა მოხდეს, სადაც ევკალიპტი მოჭრეს.„ტექნიკა აამუშავეს და გაიქცნენ გურიის მიმართულებით, ეს იყო ელიტა ბურჯი. ბიძინა ივანიშვილის ხის გადამტანი კომპანიის წარმომადგენლები,“-განაცხადა ენმ-ს წევრმა მამული სურმანიძემ.ქობულეთის მერიაში კი ამბობენ, რომ ხეების მოჭრა გზის გაფართოებას უკავშირდება.„პროექტის მიხედვით ზოგიერთი მონაკვეთი არის ძალიან ვიწრო, რომელიც არანაირ სტანდარტში არ ჯდება და ალაგ-ალაგ შეიძლება ითქვას, ძალიან უმნიშვნელო მონაკვეთზე ხდება გზების გაფართოება, რომ მოვიდეს სტანდარტებთან სრულ შესაბამისობაში,“-აცხადებს ქობულეთის მერიის ეკონომიკური სამსახურის უფროსი ზურაბ ამაღლობელი.
 
რუსთავი2
წინა სტატიასუიციდის მცდელობის მაჩვენებელი 20 პროცენტით გაიზარდა- ნინო ლომჯარია
შემდეგი სტატიაპარლამენტის შენობასთან მიმდინარე აქციაზე „თანასწორობის მოძრაობის“ წევრებს კვერცხები ესროლეს
ტელეკომპანია ოდიშის საინფორმაციო სამსახური