შსს-ს საწვრთნელ ბაზაზე აფეთქებისას ორი ადამიანი დაშავდა

კრწანისის სასწავლო ცენტრში აფეთქებისას დაშავებულ ერთ-ერთ მამაკაცს გვიან ღამით ოპერაცია ჩაუტარდა. ექიმების ინფორმაციით, დაზარალებულების ჯანმრთელობას საფრთხე არ ემუქრება.შინაგან საქმეთა სამინისტროს ცნობით, პოლიგონის მიმდებარე ტერიტორიაზე ახალგაზრდა მამაკაცებმა მეტალის ნივთი, სავარაუდოდ ჭურვი იპოვეს და გადააგდეს, სწორედ ამ დროს მოხდა აფეთქებაც.უწყებაში განმარტავენ, რომ სასწავლო ცენტრის ეს კონკრეტული ნაწილი დანაღმულია და არსებობს არაერთი შესაბამისი ბანერებიც.ამ დრომდე უცნობია როგორ მოხვდნენ შემოფარგლულ ტერიტორიაზე 23 და 30 წლის ახალგაზრდები.მომხდართან დაკავშირებით გამოძიება ჯანმრთელობის ნაკლებად მძიმე დაზიანების მუხლით მიმდინარეობს.„პოლიგონის მიმდებარე ტერიტორიაზე აღნიშნული ორი მოქალაქე აგროვებდნენ სოკოს როგორც თვითონ აღნიშნეს. იპოვეს მეტალის ნივთი, შემდეგ ერთ-ერთმა მოისროლა ეს ნივთი, რომელიც აფეთქდა. მათ სიცოცხლეს და ჯანმრთელობას საფრთხე არ ემუქრება,“-განაცხადა შსს-ს განსაკუთრებულ დავალებათა დეპარტამენტის დირექტორმა გიორგი ყაყიჩაშვილმა.

შსს-ს საწვრთნელ ბაზაზე აფეთქებისას ორი ადამიანი დაშავდა

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

პაპუაშვილი-დღეს ევროკავშირი გადართულია საქართველოს დაზიანების კურსზე

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა