საქართველოს ცენტრალურ ხელისუფლებაში კორუფციის პრობლემა არსებობს – ასე ფიქრობს NDI-ის კვლევის ფარგლებში გამოკითხულთა 44%

0
396
,,ეროვნულ-დემოკრატიული ინსტიტუტის“ კვლევის თანახმად, გამოკითხული მოსახლეობის 44% ეთანხმება მოსაზრებას იმის შესახებ, რომ საქართველოს ცენტრალურ ხელისუფლებაში კორუფციის პრობლემა არსებობს. 
 
გამოკითხულთა 29% არ ეთანხმება მოსაზრებას იმის შესახებ, რომ საქართველოს ცენტრალურ ხელისუფლებაში კორუფციის პრობლემა არსებობს, ხოლო გამოკითხულთა 27% აცხადებს, რომ აღნიშნულ საკითხზე პასუხი არ იცის.
 
რაც შეეხება მოსაზრებას – “ჩემს ადგილობრივ ხელისუფლებაში(საკრებულოში, მერიაში, გამგეობაში) კორუფციის პრობლემა არსებობს – NDI-ის მიერ გამოკითხულთა 35% აღნიშნულს ეთანხმება, 40% არ ეთანხმება, ხოლო 24% აცხადებს, რომ აღნიშნული არ იცის.
 
კვლევის თანახმად, გამოკითხულთა 29% ეთანხმება მოსაზრებას იმის შესახებ, რომ საჯარო ინსტიტუტებში კორუფციის პრობლემა არსებობს, 51% აღნიშნულ მოსაზრებას არ ეთანხმება, ხოლო 19% აცხადებს, რომ არ იცის.
 
 
შეგახსენებთ, რომ კვლევის საველე სამუშაოები ჩატარდა 20 მარტი-4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2 194 პირისპირ ინტერვიუს წარმომადგელობითი შერჩევის საფუძველზე.
 
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას CRRC-საქართველო ატარებს.
წინა სტატიაგამოკითხულთა 63% მიიჩნევს, რომ საპარლამენტო არჩევნების შემდეგ საქართველოში კრიმინალის დონე გაიზარდა- NDI
შემდეგი სტატიაNDI-ის კვლევის თანახმად, ხვალ რომ საპარლამენტო არჩევნები იყოს, გამოკითხულთა 26% ხმას „ქართულ ოცნებას“ მისცემდა, 8% – “ნაციონალურ მოძრაობას“, ხოლო 4% – “ევროპულ საქართველოს”
ტელეკომპანია ოდიშის საინფორმაციო სამსახური