როგორ აფასებენ გამოკითხულები პრეზიდენტის, პრემიერ მინისტრის, მთავრობის, პარლამენტის თავმჯდომარისა და თბილისის მერის საქმიანობას

0
371
 ეროვნულ-დემოკრატიული ინსტიტუტმა კვლევა ცოტა ხნის წინ გაასაჯაროვა. 
 
NDI-ის კვლევის მიხედვით, გამოკითხულთა 2% მთავრობის მუშაობას ძალიან კარგად აფასებს, 12% კარგად, 22%-ს კი მიაჩნია, რომ მთავრობა ცუდად მუშაობს, 11% -ის აზრით, ძალიან ცუდად.
 
“ეროვნულ-დემოკრატიული ინსტიტუტის“ კვლევის თანახმად, საქართველოს პრეზიდენტის, გიორგი მარგველაშვილის საქმიანობას დადებითად გამოკითხული მოსახლეობის 26% აფასებს, ხოლო პრემიერ-მინისტრ, გიორგი კვირიკაშვილის საქმიანობას – 25%.
 
ამასთან, NDI-ის მიერ გამოკითხული მოსახლეობის 51% პრეზიდენტის საქმიანობას, ხოლო 52% პრემიერის საქმიანობას აფასებს საშუალოდ. რაც შეეხება უარყოფით შეფასებებს, როგორც გიორგი მარგველაშვილის, ისე გიორგი კვირიკაშვილის საქმიანობას უარყოფითად 3-3% აფასებს. 
 
 პარლამენტის თავმჯდომარის ირაკლი კობახიძის საქმიანობას გამოკითხულთა 19% ს დადებითად აფასებს, 43% საშუალოდ, 22% – უარყოფითად. 
 
NDI-ის კვლევის თანახმად, გამოკითხულთა 25% დადებითად საპარლამენტო უმცირესობის ლიდერის, დავით ბაქრაძის საქმიანობას აფასებს, ხოლო 13% უმრავლესობის ლიდერის, არჩილ თალაკვაძის საქმიანობას. 
 
 
თბილისში გამოკითხული მოსახლეობის 53% დედაქალაქის მერის, კახა კალაძის საქმიანობას დადებითად აფასებს, ხოლო 12% – უარყოფითად.
 
NDI-ის მიერ თბილისში გამოკითხულთა 31% თბილისის მერის საქმიანობას საშუალოდ აფასებს, ხოლო 4%-მა აღნიშნული არ იცის.
 
შეგახსენებთ, რომ კვლევის საველე სამუშაოები ჩატარდა 20 მარტი-4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2 194 პირისპირ ინტერვიუს წარმომადგელობითი შერჩევის საფუძველზე. საშუალო ცდომილების ზღვარი +/-2,2%-ია. 
 
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას CRRC-საქართველო ატარებს.
 

 
 
 
წინა სტატიაNDI-ის კვლევის თანახმად, ხვალ რომ საპარლამენტო არჩევნები იყოს, გამოკითხულთა 26% ხმას „ქართულ ოცნებას“ მისცემდა, 8% – “ნაციონალურ მოძრაობას“, ხოლო 4% – “ევროპულ საქართველოს”
შემდეგი სტატიასომხეთის ოპოზიციის ლიდერი ნიკოლ ფაშინიანი პრემიერ-მინისტრობის კანდიდატად დღეს ოფიციალურად წარადგინეს
ტელეკომპანია ოდიშის საინფორმაციო სამსახური