ზუგდიდის საკრებულოში ფრაქცია „ევროპული საქართველოს“ თავმჯდომარე ბათლომე შელიას განცხადებით, საკრებულოს სხდომაზე ენმ-ის მხარდამჭერები და მათი ლიდერი, მურთაზ ზოდელავა მიზანმიმართულად არიან მოსულები იმიტომ რომ „დასაჯონ“ გელა თოლორაია. ბათლომე შელიას თქმით, თოლორაიამ დღეს გაიარა რეგისტრაცია, თუმცა არ დასრებია საკრებულოს სხდომას იმიტომ, რომ ეს დაპირისპირება თავიდან აეცილებინა. „ნაციონალურმა მოძრაობამ“ ძალიან კარგად იცის ის, რომ თუ გელა თოლორაია არ გამოცხადდა საკრებულოს სხდომაზე, მას 6 თვიანი ვადა ეწურება და კანონმდებლობის შესაბამისად გაირიცხება საკრებულოდან და მანდატს დაკარგავს.