მურთაზ ზოდელავა - მე და ძალადობა, მე და დანაშაული ვართ სხვადასხვა სამყარო

მე და ძალადობა, მე და დანაშაული ვართ სხვადასხვა სამყარო. ეს იცის ყველამ, ვინც მე მიცნობს, მათ შორის ამ შენობაში მსხდომმა ადამიანებმაც, – ამის შესახებ ყოფილმა მთავარმა პროკურორმა, მურთაზ ზოდელავამ პროკურატურაში შესვლამდე განაცხადა, სადაც გამოკითხვაზეა დაბარებული.ზოდელავა აცხადებს, რომ “პროკურატურაში დაბარება სამეგრელოში არსებულ პოლიტიკურ ვითარებას უკავშირდება”.„ივანიშვილმა სამეგრელო სამთავროებად თუ სათავადოებად, კონკრეტულ კლანებს გადასცა. მაგალითად, შონიას, შენგელიას, იზორიას, ბესელიას კლანს. სამეგრელოში “ქართული ოცნების” რაოდენობა უტოლდება საჯარო მოხელეების რაოდენობას და მათი ოჯახის წევრებიც არ არიან მათი მომხრეები. ამ ორიოდე დღის წინ თანამდებობიდან გაათავისუფლეს თითქმის ყველა რაიონის “ქართული ოცნების” თავმჯდომარე. სამიოდე კვირის წინ სამეგრელოს რეგიონში გაათავისუფლეს თანამდებობიდან თითქმის ყველა პოლიციის უფროსი და სამხარეო პოლიციის უფროსი. ეს ყველაფერი ამას უკავშირდება. ჩვენ გავაქტიურდით სამეგრელოში და კონკრეტულ კორუფციულ თემებზე ვსაუბრობთ”, – განაცხადა ზოდელავამ.მისივე თქმით, სამეგრელოში მუნიციპალიტეტები არ არსებობს და ე.წ. მუნიციპალიტეტები არის „ქართული ოცნების“ შტაბები.ამასთან პროკურატურაში აცხადებენ, რომ ყოფილ მთავარ პროკურორთან კითხვები ბადრი პატარკაციშვილის ქონების ჩამორთმევის, ტელეკომპანია „იმედის“ მაუწყებლობის ლიცენზიის შეჩერებასა და წილების დაუფლებასთან დაკავშირებით აქვთ.2007 წელს მურთაზ ზოდელვა მთავარ პროკურატურაში იურიდიული სამმართველოს უფროსი იყო.

მურთაზ ზოდელავა – მე და ძალადობა, მე და დანაშაული ვართ სხვადასხვა სამყარო

სიახლეები

გორში იარაღით ძაღლი მოკლეს და მდინარეში ჩააგდეს – “ქართლის ამბები”

საქართველოში მიღებული ახალი კანონები სერიოზულ შეშფოთებას იწვევს – ეუთო/ოდირი

აზერბაიჯანში დაკავებული პირები ბაქო-თბილისი-ჯეიჰანის ნავთობსადენის აფეთქებას გეგმავდნენ

ირანის საელჩო: ხამენეის სამძიმრის წიგნში ქართველმა მაღალჩინოსანმა ჩანაწერი დატოვა