არასრულწლოვნების მკვლელობის საქმეზე ალტერნატიული ექსპერტიზის ჩასატარებლად თბილისში ბრიტანელი ექსპერტები ჩამოვიდნენ

თბილისში ბრიტანელი ექსპერტები ჩამოვიდნენ, რომლებიც ხორავას ქუჩაზე არასრულწლოვნების მკვლელობის საქმეზე ალტერნატიულ ექსპერტიზას ჩაატარებენ.ბრიტანელი ექსპერტები საქმეში დაცვის მხარის მოთხოვნით ერთვებიან.პირველ შეხვედრას ექსპერტები გრიგოლ რობაქიძის უნივერსიტეტში გამართავენ, სადაც კრიმინალისტიკური ლაბორატორია მდებარეობს. შესაძლოა, შესაბამისი სამუშაოები ექსპერტებმა, სწორედ აღნიშნულ ლაბორატორიაში განახორციელონ. ისინი ლაბორატორიის ხელმძღვანელს შეხვდებიან.როგორც რამდენიმე დღის წინ ადვოკატმა, ტარიელ კაკაბაძემ განაცხადა, ჩატარებულმა ექსპერტიზამ ვერ გასცა პასუხი კითხვას, იმასთან დაკავშირებით, რამდენი დანა იყო გამოყენებული, ვინ მიაყენა კონკრეტული დაზიანებები და ვის მიერ მიყენებული დაზიანებებით გარდაიცვალა არასრულწლოვანი. ბრიტანელი ექსპერტების დასკვნამ კი, სწორედ ამ კითხვებს უნდა უპასუხოს.თბილისში, ხორავას ქუჩაზე ორი მოზარდი 2017 წლის პირველ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე კი, ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს საავადმყოფოში დაიღუპა. ჯგუფურად ორი არასრულწლოვნის მკვლელობაში ორი არასრულწლოვანია ბრალდებული.

სიახლეები

მოცვისა და თხილის მეურნეობების გამოწვევები – როგორ ჭრის ამ პრობლემებს Atens-ის ბიოპროდუქტები

NGO-ები-წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

კორუფცია ხელისუფლების ზედა ეშელონებში აღმოფხვრილი და დამარცხებულია – კობახიძე

საიამ სტრასბურგში ამაღლობელის პოლიტიკური ბრალდების საქმეზე საჩივარი წარადგინა