ზუგდიდში მერიის საწყობი გაქურდეს. საწყობიდან წაღებულია აზიური ფაროსანას შესაწამლი ავტომობილის საბურავები და აკუმულატორები.
აღნიშნულ საწყობში მერიის დასუფთავების და სოფლის მეურნეობისთვის საჭირო სხვადასხვა დანიშნულების ავტომობილები არის განლაგებული.
გავრცელებული ინფორმაციით, ქურდები საწყობში შენობის უკანა მხრიდან შევიდნენ და ნივთები ღამით გაიტანეს.
დაცვის პოლიცია არ აკონკრეტებს, კონკრეტულად რა ოდენობის ნივთებია წაღებული საწყობიდან. თუმცა მოსახლეობა საუბრობს იმაზეც, რომ ამოღებულია ასევე აკუმულატორები სპეცტექნიკიდან, რომელიც ფარროსანასთან საბრძოლველად შემოიყვანეს ზუგდიდში და ასევე მერიასთან იყო პარკირებული.
შინაგან საქმეთა სამინისტრომ გამოძიება ქურდობის ფაქტზე დაიწყო.
