მსჯავრდებული პაპუნა ნანეიშვილი მეოცე დღეა შიმშილობს. მისმა ახლობლებმა დღეს სამეგრელო-ზემო სვანეთის საოლქო პროკურატურასთან საპროტესტო აქცია გამართეს [Video]

0
365
მსჯავრდებული პაპუნა ნანეიშვილი, რომელიც გეგუთის ციხეში იხდის სასჯელს  ცეცხლსასროლი იარაღის უკანონო შენახვის ბრალდებით, მეოცე დღეა შიმშილობს. იგი თავს დამნაშავედ არ ცნობს და, როგორც აცხადებს, შიმშილობის შეწყვეტას არ აპირებს.
 
 პაპუნაშვილის ოჯახის წევრებმა და ახლობლებმა  რომელთაც მიიღეს ცნობა, რომ პატიმარი ცუდად გახდა და გლდანის მსჯავრდებულთა და ბრალდებულთა სამკურნალო დაწესებულებაშია გადაყვანილი,  სამეგრელო-ზემო სვანეთის საოლქო პროკურატურასთან საპროტესტო აქცია გამართეს.
 
მათი მტკიცებით, ნანეიშვილი უდანაშაულოა და იარაღი  მას სამართალდამცავებმა „ჩაუდეს“. ისინი პროკურატურისგან საქმის ხელახლა გამოძიებას ითხოვენ.
ჩვენ ვიცით, რომ ის უდანაშაულოა და მას იარაღი არასოდეს ჰქონია. თუ მართლა ჩემი შვილიშვილის იარაღი იყო, რატომ არ აღმოჩნდა მისი თითის ანაბეჭდები იარაღზე, მას ეს ჩაუდეს. ამ საქმის ერთადერთი მოწმის ჩვენება კი საერთოდ არ მოგვისმენია, რადგან სხდომა დახურეს“, -აცახადებენ აქციის მონაწილეები. 
 
ხობის მუნიციპალიტეტის სოფელ თორსა-დღვაბის მკვიდრს პაპუნა ნანეიშვილს ბრალად ცეცხლსასროლი იარაღის უკანონო შენახვა-ტარება ედება და მას 6 წლით თავისუფლების ღკვეთა აქვს მისჯილი. ის მეორე წელიასასჯელს გეგუთის N14 სასჯელაღსრულების დაწესებულებაში  იხდის
 
 

წინა სტატიაემზარ კვიციანის ტელეაღსარება და საკრალური კითხვა: კიდევ ვისა ჰყავს რუსეთში ცოლ-შვილი ?
შემდეგი სტატია,,ის აქ არის”… ივანიშვილი დათანხმდა ,,ქართულ ოცნებას” უხელმძღვანელოს და დაბრუნდა, მაგრამ წასული იყო რომ?
ტელეკომპანია ოდიშის საინფორმაციო სამსახური