დღეიდან ფოთში მოვაჭრეებს, რომლებიც პროდუქტს მაღაზიების წინ, დახლებზე განათავსებენ, დააჯარიმებენ

0
423
დღეიდან, 25 აპრილიდან ფოთში მოვაჭრეებს, რომლებიც პროდუქტს მაღაზიების წინ, დახლებზე განათავსებენ, დააჯარიმებენ. ამის შესახებ მოვაჭრეები ფოთის საკრებულოს წევრებმა და ზედამხედველობის სამსახურმა დღეს გააფრთხილა. ამ ფაქტს ბაზარში ხმაური მოჰყვა. ინფორმაციას სააგენტო "ინტერპრესნიუსი" ავრცელებს.
 
"ბაზრის შიდა ტერიტორიაზე მაღაზიების წინ არის გამოტანილი დახლები, რომელიც ხელს უშლის გადადგილებას. სახანძრო-სამაშველო სამსახურიდან არის რეკომენდაცია, რომ ყველამ საკუთარი საზღვარი დაიცვას, რათა საჭიროების შემთხვევაში სახანძროს მანქანამ და სასწრაფო დახმარების ბრიგადამ თავისუფლად შეძლოს გადაადგილება. იმ მოვაჭრეებს, რომლებსაც საკუთარი ფართი არ აქვთ, ჩვენ ალტერნატიულ ფართს შევთავაზებთ. ყველაფერი უსაფროებისა და სანიტარული ნორმების დაცვის მიზნით კეთდება“, – თქვა საკრებულოს სივრცითი ტერიტორიის დაგეგმარებისა და ინფრასტრუქტურის კომისიის თავმჯდომარე ბექა ვაჭარაძემ.
წინა სტატიააზიურ ფაროსანასთან საბრძოლველად ზუგდიდის მუნიციპალიტეტს 10 ერთეული სპეციალური ტექნიკა გადაეცა
შემდეგი სტატიაპრეზიდენტმა სააკაშვილმა ამოქაჩა ქვეყნის პრესტიჟი, რომელიც სარგსიანისადმი კვირიკაშვილის ნაჩქარევმა მილოცვამ დააზარალა
ტელეკომპანია ოდიშის საინფორმაციო სამსახური