საფრანგეთის პრეზიდენტი აშშ-ში სამდღიანი ოფიციალური ვიზიტით ჩადის, რომელიც 23 აპრილს იწყება. ემანუელ მაკრონს პრეზიდენტ დონალდ ტრამპთან საჩუქარიც მიაქვს, რომლის შესახებაც Fox News-თან ინტერვიუში თქვა.
როგორც ირკვევა საჩუქარი მუხის ხეა. მაკრონის განმარტებით, ხე ამერიკელებისთვის განსაკუთრებით მნიშვნელოვანი ადგილიდან არის:
"როდესაც ჩვენი დამოუკიდებლობა საფრთხეში იყო, ათასობთ ამერიკელი ახალგაზრდა ჩამოვიდა და დაიღუპა ჩემი ქვეყნისთვის. ეს ჩვენი ურთიერთობების ისტორიაა. ამიტომ, პრეზიდენტს (დონალდ ტრამპს) ვაჩუქებ მუხის ხეს, რომელიც თქვენი სამხედრო მეზღვაურებისთვის განსაკუთრებით სიმბოლური ადგილიდან – ჩრდილოეთ საფრანგეთიდან არის. ჩვენ (ტრამპი და მაკრონი) ერთად დავრგავთ ამ ხეს მის ბაღში, იმიტომ რომ ეს ჩვენი ხანგრძლივი ურთიერთობების სიმბოლოა", – თქვა საფრანგეთის პრეზიდენტმა ემანუელ მაკრონმა.
მაკრონი საუბარში შეეხება 1944 წლის 6 ივნისს, ჩრდილოეთ საფრანგეთში, ნორმანდიაში ამერიკელი მეზღვაურების გადასხმის მომენტს, სადაც მათ ნაცისტური რეჟიმის წინააღმდეგ ევროპაში "მეორე ფრონტი" გააკეთეს.
