ქუთაისში, ჯავახიშვილის ქუჩაზე, ბენზინგასამართი სადგური დააყაჩაღეს. არსებული ინფორმაციით, წაღებულია 6 ათასი ლარი. მომხდარის შედეგად არავინ დაშავებულა. როგორც შინაგან საქმეთა სამინისტროში განმარტავენ, ქუთაისში მომხდარ ყაჩაღობასთან დაკავშირებით ინტენსიური საგამოძიებო მოქმედებები მიმდინარეობს."შეტყობინების შემოსვლისთანავე, სამართალდამცველები შემთხვევის ადგილზე ოპერატიულად გამოცხადდნენ. მომხდარ ფაქტთან დაკავშირებით ინტენსიური საგამოძიებო მოქმედებები მიმდინარეობს და დანიშნულია შესაბამისი ექსპერტიზები. გამოძიება დაწყებულია სსკ-ს 179-ე მუხლით, რაც ყაჩაღობას გულისხმობს და 6-დან 9 წლამდე ვადით თავისუფლების აღკვეთას ითვალისწინებს", -აცხადებენ სამინისტროში.
შემთხვევა რამდენიმე დღის წინ მოხდა.