ყოფილი პრემიერ-მინისტრის ბიძინა ივანიშვილის დენდროლოგიურ პარკში ხეების გადატანის პროცესი ზუგდიდი-ანაკლიის ცენრალურ გზაზე ისევ განახლდა. წუხელ ამ მიზეზით მუნიციპალიტეტის 17 სოფელს ელექტროენერგია გამოერთო.ენერგოკომპანიამ ელექტროსადენების ჩახსნა გვიან ღამით დაიწყო, რასაც მოსახლეობის გაღიზიანება მოყვა.ორი ასწლოვანი ხის- მარადმწვანე დასავლური მუხისა და ევკალიპტის ტრანსპორტირებისას გარეგანათების ბოძები და საგზაო ნიშნები დაზიანდა, ასევე დაზიანდა ერთ-ერთი სატვირთო მანქანაც, რის გამოც ხეების ტრანსპორტირება შეჩერდა.
ანაკლია-ზუგდიდის ცენტრალურ გზაზე პარალიზებული იყო სატრანსპორტო მოძრაობაც. ადგილზე მობილიზებული იყო საპატრულო პოლოცია. ზუგდიდიდან ხის ტრანსპორტირების გამო ზუგდიდის მუნიციპალიტეტის სოფლებში ელექტროენერგიის გათიშვის მერამდე შემთხვევაა.
“ ჩემი სახლის წინ არის ჩემი დარგული ხეები და იმას თუ ერთ ტოტს მოაჭრიან, იქვე დავწვები და არ გავატარებ მანქანას, მოგვისპეს სიმშვიდე, ღამე არ გვაძინებენ“- ამბობს ერთ-ერთი ადგილობრივი. ფაქტს „ერთიანი ნაციონალური მოძრაობის“ რეგიონული ორგანიზაციის თავმჯდომარე მურთაზ ზოდელავა გამოეხმაურა. მისი თქმით, „ივანიშვილი იხდის ერთ ხეში 5000 ლარს, ზუგდიდელები იხდიან მის ტრანსპორტირებაში 300-დან 500 ათას ლარამდე. ჩვენთან ამ პროცესებში მმართველი გუნდი დებატებში ვერ შემოდის, გვიპირისპირებენ პოლიციას, პრარაბებს.“- განაცხადა ზოდელავამ.