ბათუმში მოსამართლმ ქობულეთში, სოფელ ხუცუბანში ხეების გადატანის პროცესის დროს დაკავებულები სამართალდამრღვევებად სცნო. სასამართლოს გადაწყვეტილებით, "ნაციონალური მოძრაობის" ორივე წევრს, ბიუჯეტის სასარგებლოდ, 250-ლარიანი ჯარიმის გადახდა დაეკისრათ. მოსამართლის ამ გადაწყვეტილებას დარბაზში ხმაური მოჰყვა.
„წარმოდგენილი გვქონდა მტკიცებულებები, რომლებიც ცალსახად გამორიცხავდა რევაზ ხარაძისა და სოლომონ ბაჯელიძის ქმედებაში რაიმე სახის ადმინისტრაციული სამართალდარღვევის ნიშნებს, მაგრამ ჩვენი მოსაზრება არ გაიზიარა სასამართლომ, სცნო დამნაშავეებად და სანქციის სახით გამოიყენა ფულადი ჯარიმა“-აცხადებს ადვოკატი პაატა დიასამიძე
შემთხვევა 4 აპრილს მოხდა. „ნაციონალური მოძრაობის“ წევრები, გზის გადაკეტვით, ბიძინა ივანიშვილის ეზოში, ასწლოვანი ევკალიპტის გადატანას აპროტესტებდნენ.