აქამდე არ არის ცნობილი, გაიმართება თუ არა პარლამენტში დღეს დაგეგმილი უმრავლესობის სხდომა

0
406
დღეისთვის დაგეგმილი საპარლამენტო უმრავლესობის სხდომა, სავარაუდოდ გადაიდება. პარლამენტის იურიდიულ საკითხთა კომიტეტის თავმჯდომარე, ეკა ბესელია განმარტავს, რომ ზუსტი პასუხი დღის მეორე ნახევარში იქნება ცნობილი. დეპუტატი სხდომის გადადების მიზეზად, უმრავლესობის ყველა წევრის დასწრებას ასახელებს. 
 
„ამაზე მოგვიანებით იქნება ცნობილი. ჩვენ გვინდა ყველა დაესწროს, ამიტომ გადაწყდება, სად და როდის იქნება უმჯობესი იმის გათვალსწინებით, რომ ყველას ჰქონდეს შესაძლებლობა ამ სხდომაში მიიღოს მონაწილეობა“, – განაცხადა ეკა ბესელიამ. 
 
მისი თქმით, დიალოგის და განსჯის რესურსი ყოველთვის არსებობს და ამის პრობლემა არ არის.
 
შეგახსენებთ, საქართველოს პარლამენტის თავმჯდომარემ, ირაკლი კობახიძემ გუშინ განაცხადა, რომ საპარლამენტო უმრავლესობის სხდომა დღეს, პარლამენტის ქუთაისის სასახლეში გაიმართება. 
 
წინა სტატიასეს-ი გამორიცხავს რომ გურიაში მამაკაცის გარდაცვალების შესაძლო მიზეზი აზიური ფაროსანას წინააღმდეგ პრეპარატი შეიძლება გამხდარიყო
შემდეგი სტატიაირანში 5,9 მაგნიტუდის სიმძლავრის მიწისძვრა მოხდა
ტელეკომპანია ოდიშის საინფორმაციო სამსახური