BBC -ის ცნობით, 92 წლის ასაკსი გარდაიცვალა ამერიკის შეერთებული შტატების ყოფილი პირველი ლედი, ჯორჯ ბუს – უფროსის მეურლე  ბარბარა ბუში.

 

მანამდე ცნობილი გახდა, რომ 92 წლის ბარბარა ბუში ექიმებთან ვიზიტზე უარს ამბობდა. ბარბარა ბუშმა საავადმყოფოში რამდენჯერმე მოხვედრის შემდეგ, გადაწყვიტა, რომ დამატებითი სამედიცინო გამოკვლევები და დახმარება აღარ სჭირდებოდა და ერჩივნა დრო სახლში, ოჯახურ გარემოში გაეტარებინა.

 

ბარბარა ბუშს ფილტვების ქრონიკული დაავადება სჭირდა. ის აშშ-ის 41-ე პრეზიდენტის მეუღლე და 43-ე პრეზიდენტის დედა იყო.

 

ჯორჯ და ბარბარა ბუშები 73 წლის განმავლობაში იყვნენ დაოჯახებულები.