დღეს ევროპის საბჭოში განიხილავენ ანგარიშს “კონფლიქტი საქართველოში”

0
445
დღეს,  18 აპრილს, ევროპის საბჭოს მინისტრთა მოადგილეების კომიტეტის 1314-ე სხდომაზე განიხილება ევროპის საბჭოს გენერალური მდივნის ტორბიორნ იაგლანდის მე-17 კონსოლიდირებული ანგარიში – "კონფლიქტი საქართველოში." ინფორმაციას საგარეო საქმეთა სამინისტრო ავრცელებს.
 
ანგარიში მოიცავს პერიოდს 2017 წლის ოქტომბრიდან 2018 წლის მარტის ჩათვლით. სხდომაზე გაკეთდება ევროკავშირისა და სუამის სახელით განცხადებები.
 
კონსოლიდირებული ანგარიშის წარდგენისას, ევროპის საბჭოს მინისტრთა მოადგილეების კომიტეტს სიტყვით მიმართავს საგარეო საქმეთა მინისტრის პირველი მოადგილე, დავით ზალკალიანი. თავის გამოსვლაში მინისტრის პირველი მოადგილე ილაპარაკებს საქართველოს ოკუპირებულ ტერიტორიებზე ადამიანის უფლებების კუთხით არსებულ მძიმე მდგომარეობასა და ბოლო პერიოდში რუსეთის საოკუპაციო ძალის მიერ განხორციელებულ უკანონო ქმედებებზე.
 
განსაკუთრებული ყურადღება დაეთმობა საქართველოს მოქალაქის არჩილ ტატუნაშვილის მკვლელობის ფაქტს, ასევე რუსეთის მიერ ოკუპირებული აფხაზეთისა და ცხინვალის რეგიონებთან გაფორმებულ ე.წ. „ხელშეკრულებებს“, რაც განიხილება როგორც ანექსიისკენ გადადგმული ნაბიჯი. 
 
 
წინა სტატიაქართველი ,,კანონიერი ქურდებისა” და ქურდობაში ეჭვმიტანილ პირთა დაკავებები უცხოეთში
შემდეგი სტატიაგარდაიცვალა აშშ ყოფილი პირველი ლედი ბარბარა ბუში
ტელეკომპანია ოდიშის საინფორმაციო სამსახური