ანაკლიის სანაპირო ზოლიდან ნაპირსამაგრი სპეციალური ბლოკები გააქვთ. სამუშაოებს კომპანია "ზიმო" აწარმოებს. ადგილობრივები ეჭვობენ, რომ კომპანია, რომელიც ბიძინა ივანიშვილის დაკვეთით ხეების გადატანაზე მუშაობს, ამჯერადაც ყოფილ პრემიერს ემსახურება.- ნათქვამია სიუჟეტში, რომელიც წუხელ გავიდა რუსთავი 2 – ის ეთერში.
დღის ბოლოს ანაკლიაში იმყოფებოდნენ "ნაციონალური მოძრაობის" წევრები – .„გვაქვს საფუძვლიანი ეჭვი, ეს კონსტრუქციები, რომელიც განკუთვნილი იყო ანაკლიის სანაპირო ზოლის გასამაგრებლად, მიაქვთ ბიძინა ივანიშვილის კონკრეტული დავალებების შესასრულებლად“-აცხადებს ენმ რეგიონული ორგანიზაციის ხელმძღვანელი მურთაზ ზოდელავა.
"ზიმო"-ს წარმომადგენლების მტკიცებით კი ტეტრა ბოძები მათ სარფში გადააქვთ.
„ჩემს სამუშაოს ვასრულებ… რაც დაგვავალეს. ვტვირთავთ ტეტრა ბოძებს და სარფში გადაგვაქვს“- აცხადებს კომპანია ”ზიმო”-ს თანამშრომელი ელგუჯა ბესელია.