რა საიდუმლოს ინახავს დადიანების საჯინიბო? რეკონსტრუქციისას ნაპოვნია დაბლა ჩამავალი კიბეები

0
448
zუგდიდის ბოტანიკურ ბაღში მიმდინარე სარეკონსტრუქციო სამუშაოებისას დადიანების ორანჟერეაში, ე.წ. საჯინიბოს შენობის შიგნით, ორივე მხარეს, კედლების და იატაკის გასუფთავების დროს დაბლა ჩამავალი კიბეები აღმოაჩინეს. 
 
როგორც ,,ბოტანიკური ბაღების მართვის ცენტრის“ დირექტორი ზვიად ქარჩავა განმარტავს, არქეოლოგების მოკვლევის შემდეგ გაირკვევა თუ რა დატვირთვა ჰქონდა კიბეს.
 
,,ორანჟერეა დაკონსერვდება, დონორის მოძიების შემთხვევაში კი შენობის აღდგენის საკითხსაც განვიხილავთ. კიბის გარდა, გარკვეული ფენისგან გათავისუფლების შემდეგ, აქ წითელი აგურის იატაკიც გამოჩნდა,"-აცხადებს ქარჩავა.
 
ზუგდიდის ბოტანიკური ბაღი მეცხრამეტე საუკუნეში გაშენდა. ბოტანიკური ბაღის აღდგენის სამუშაოებს საქართველოს მუნიციპალური განვითარების ფონდი ახორციელებს. ზუგდიდის ბოტანიკური ბაღის რეაბილიტაცია თებერვალში დაიწყო. პროექტს მსოფლიო ბანკი აფინანსებს და მისი საერთო ღირებულება 12 მილიონი ლარია.
წინა სტატიახარაგაულში ხევში მანქანა გადაიჩეხა, დაღუპულია 2 ჩვიდმეტი წლის ბიჭი
შემდეგი სტატიაპრეზიდენტის ადმინისტრაციამ „ევროპული საქართველო“ უმრავლესობასთან გარიგებაში დაადანაშაულა
ტელეკომპანია ოდიშის საინფორმაციო სამსახური