“ევროპული საქართველოს” მაჟორიტარი კანდიდატი სოფელ ცაიშში გოდერძი კუკავა იქნება

0
364
“ევროპულმა საქართველომ”  ზუგდიდის მუნიციპალიტეტის სოფელ  ცაიშში საკრებულოს შუალედურ  არჩევნებში   საკუთარი კანდიდატი წარადგინა. გოდერძი კუკავა თანაგუნდელებს პარტიის ადგილობრივმა ლიდერებმა  წარუდგინეს. „ევროპული საქართველოს“ ზუგდიდის ორგანიზაციის თავმჯდომარის ლაშა დამენიას თქმით, „პარტიამ შეთავაზა ოპოზიციურ პარტიებს საერთო კანდიდატის დაყენება, თუმცა ამ ინიციატივას არავინ გამოხმაურებია, შესაბამისად პარტიამ მიიღო გადაწყვეტილება, ცაიშში საკუთარი კანდიდატი წარედგინა. თანაც ადრე არჩევნებში გოდერძის აქვს „ქართული ოცნების“ კანდიდატის დამარცხების გამოცდილება და ვფიქრობთ, რომ ამჯერადაც წარმატებული იქნება. ჩვენ არ დავუშვებთ იმას, რომ „ქართული ოცნება“ არჩევნებში კონკურენტის გარეშე მონაწილეობდეს“ “- განაცხადა ლაშა დამენიამ.
საკრებულოს შუალედური არჩევნები ცაიშის მაჟორიტარულ ოლქის 3 უბანზე 13 მაისს გაიმართება.  შუალედური არჩევნები საკრებულოს მაჟორიტარი დეპუტატისთვის უფლებამოსილების ვადამდე შეწყვეტის გამო დაინიშნა. ცაიშის მაჟორიტარი დეპუტატი თამაზ ჟორჟოლიანი 2017 წლის 2 ნოემბერს ავტოსაგზაო შემთხვევას ემსხვერპლა.
 
წინა სტატიავინ და რატომ გარბის ფილარმონიიდან და რატომ სჭირდება მას ,,ქაღალდებით გამაგრება” ?
შემდეგი სტატიაბარნოვის ქუჩაზე 22 წლის გოგო ყელის არეში მიყენებული ჭრილობით გარდაიცვალა
ტელეკომპანია ოდიშის საინფორმაციო სამსახური