ბრიტანეთის სადაზვერვო სააგენტოს ხელმძღვანელმა, ჯერემი ფლემინგმა განაცხადა,რომ სკრიპალის საქმე გვიჩვენებს, თუ რამხელა უგუნურებისთვისაა მზად რუსეთი. ინფორმაციას რადიო თავისუფლება ავრცელებს.მისი თქმით, 4 მარტს, ინგლისის ქალაქ სოლსბერიში სერგეი სკრიპალსა და მის ქალიშვილზე განხორციელებული თავდასხმა „განსაკუთრებულად მძიმე და შოკისმომგვრელი იყო“ და ადასტურებდა, რომ მოსკოვი „თამაშის სხვა წესებით თამაშობს“. ფლემინგის თმით, რუსეთი სახელმწიფო და კრიმინალურ საქმიანობას შორის საზღვრებს კვეთს.აკრძალული ქიმიური იარაღის აკრძალვის ორგანიზაციის (OPCW) ექსპერტებმა დაადასტურეს, რომ "გრუ"-ს ყოფილი ოფიცერი სერგეი სკრიპალი და მისი ქალიშვილი იულია ნერვულ-პარალიტიკური ნივთიერებით მოწამლეს.სერგეი და იულია სკრიპალები 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. ისინი ნერვულ-პარალიტიკური საწამლავი "ნოვიჩოკით" მოწამლეს. ოფიციალური ლონდონი ირწმუნება, რომ "ნოვიჩოკის" ლაბორატორია სარატოვის რეგიონის ქალაქ შიხანში მდებარეობს.
ამჟამად მამა-შვილი თავს კარგად გრძნობენ.