ზუგდიდის ბაზრის გარეთა პერიმეტრზე ავტოსაგზაო შემთხვევის შედეგად 2 ადამიანი დაშავდა. თვითმხილველების ინფორმაციით, ოპელის მარკის ავტომანქანა ბორდიურს შეეჯახა, რკინის ჯებირი, რომლითაც ტროტუარია შემოსაზღვრული ერთ-ერთ მოქალაქეს დაეცა, ხოლო მეორეს ავტომანქანამ დაარტყა. „დევნილი ვარ, დახმარების ფული ავიღე და მერე აქ ჩამოვჯექი, ჩემს გოგოს ველოდებოდი, ვერც გავიაზრე, ისე დამეცა თავზე რკინა“- ამბობს ერთ-ერთი დაშავებული მოქალაქე.

თვითმხილველების თქმით, მეორე ქვეითი, რომელსაც მანანა დაეჯახა, სასწრაფო სამედიცინო დახმარების ბრიგადამ ზუგდიდის რეფერალურ საავადმყოფოში გადაიყვანა. მორიგე ექიმის ინფორმაციით, 57 წლის მამაკაცის მდგომარეობა ამ დროისთვის სტაბილურია და გამოკვლევები უტარდება. ცნობისათვის, რკინის კონსტრუქცია იმ ტროტუარზეა შემოვლებული, სადაც ადრე გარევაჭრობა იყო. ის განთავსებულია ტროტუარსა და საავტომობილო გზას შორის. საავადმყოფოში მოთავსებული პაციენტი ელ.ქსელის მთანამშრომელია, რომელიც ადგილზე ჯგუფთან ერთად იყო გასული და სამუშაოებს ასრულებდა. შსს-ს ინფორნმაციით, მომხდარზე სგამოძიება  სს კოდექსის 276-ე მუხლის პირველი ნაწილით მიმდინარეობს.