სამგორის რაიონის გამგებელმა დავით კერესელიძემ თანამდებობა დატოვა. უცნობია უკავშირდება თუ არა კერესელიძის გადადგომა დედაქალაქის მთავრობაში დაწყებულ დაპირისპირებას.დეტალები სავარაუდოდ გაირკვევა ბრიფინგზე, რომელიც დღეს თბილისის მერიაში 13:00 საათზე ა დანიშნული.
როგორც ოპოზიცია ვარაუდობს, საპარლამენტო უმრავლესობაში მიმდინარე დაპირისპირებამ დედაქალაქის მთავრობაში გადაინაცვლა. თუმცა როგორც თბილისის მერიის მიერ გავრცელებულ განცხადებაშია ნათქვამი,
„თანამდებობის დატოვების მიზეზია სამგორის რაიონის გამგეობის საქმიანობის კვარტლური შედეგი, რაც მნიშვნელოვანად ჩამორჩება სხვა რაიონების გამგეობების შესრულების მაჩვენებლებს“.
გავრცელებული ინფორმაციით, დავით კერესელიძემ გადაწყვეტილება ბოლო დღეებში შიდაუწყებრივი კონსულტაციების გავლის შემდეგ მიიღო. დედაქალაქის მთავრობამ აღნიშნული გადაწყვეტილება უკვე დააკმაყოფილა.