ფოთში, ნაბადის უბანში, მე-3 საბავშვო ბაღი გაქურდეს – სკოლამდელ სააღმზრდელო დაწესებულებათა ცენტრის დირექტორის ინფორმაციით, წაღებულია მუსიკალური ტექნიკა და მაგნიტოფონი.
ქურდობა სავარაუდოდ, წუხელ მოხდა. ადგილობრივი მოსახლეობის ინფორმაციით, დღეს დილით პედაგოგს ბაღის კარები გატეხილი დახვდა.
ადგილზე სამართალდამცველები მუშაობენ.
მომხდარ ფაქტზე გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.