ვახტანგ ყოლბაია – დე ფაქტო ადმინისტრაციის მიერ გალსა და მიმდებარე სოფლებში ფაროსანას შეწამვლისთვის გამოყენებული პრეპარატი ადამიანის ჯანმრთელობისთვის საშიშია

0
388
აფხაზეთის ავტონომიური რესპუბლიკის თავმჯდომარის მოვალეობის შემსრულებელის ვახტანგ ყოლბაიას განცხადებით, დე ფაქტო ადმინისტრაციამ გალსა და მის მიმდებარე სოფლებში ფაროსანას შეწამვლის პროცესი დაიწყო. მისივე თქმით, სპეციალისტები ამტკიცებენ, რომ მავნებლის შესაწამლად განკუთვნილ პრეპარატში შემავალი ნივთიერებები ხასიათდება მაღალი ტოქსიკურობით და განსაკუთრებით საშიშია ბავშვებისა და მოზარდებისთვის.
„ჩვენს ხელთ არსებული ინფორმაციის თანახმად, დე ფაქტო ადმინისტრაციამ გალსა და მიმდებარე სოფლებში საცხოვრებელ სახლებში ფაროსანას შეწამვლის აქტიური პროცესი, ე.წ. დეზინსექცია დაიწყო. ჩვენმა სპეციალისტებმა შეისწავლეს ადამიანის ჯანმრთელობაზე პრეპარატის ზემოქმედებისა და მავნე ზეგავლენის საკითხი. როგორც ისინი ამტკიცებენ, პრეპარატში შემავალი ნივთიერებები ხასიათდება მაღალი ტოქსიკურობით და განსაკუთრებით საშიშია ბავშვებისა და მოზარდებისთვის. ამასთან, საგულისხმოა, რომ არ არსებობს მისი ანტიდოტი. აღნიშნულიდან გამომდინარე, მივმართავ ჩვენს მოსახლეობას გამოიჩინონ განსაკუთრებული სიფრთხილე და არ დაუშვან საცხოვრებელ ადგილებში მათთვის დარიგებული სადეზინსექციო პრეპარატის გამოყენება. მათი მოხმარება დასაშვებია მხოლოდ ღია სივრცესა და მიტოვებულ შენობა-ნაგებობებში, ხოლო საცხოვრებელ სახლებში შეიძლება გამოყენებულ იქნას მექანიკური სადეზინფექციო საშუალებები-სითხეები, აეროზოლები, ფხვნილები”, – განაცხადა ვახტანგ ყოლბაიამ, რომლის კომენტარსაც აფხაზეთის ავტონომიური რესპუბლიკის მთავრობა ავრცელებს.
წინა სტატიასირიაში ქიმიური შეტევის გამო, დონალდ ტრამპმა ლათინურ ამერიკაში ოფიციალური ვიზიტი გააუქმა
შემდეგი სტატიასაქართველოს დემოკრატიული პროგრესის რეიტინგი 0,07 ქულით გაუარესდა – Freedom House
ტელეკომპანია ოდიშის საინფორმაციო სამსახური