მსახიობი მერაბ ნინიძე პოპულარული ამერიკული სერიალის Homeland-ის მეშვიდე სეზონში მონაწილეობს. პირველი არხის ინფორმაციით, ქართველი მსახიობი გადაღებებზე იმყოფება, IMDB-ზე კი, ის უკვე გამოჩნდა სერიალის მსახიობთა გუნდში.მერაბ ნინიძე რუსეთის დაზვერვის მაღალჩინოსნის, მიროვის როლს ასრულებს. სერიალის მეშვიდე სეზონის მეცხრე სერია Useful Idiot-ში ჯერჯერობით ნინიძის პერსონაჟის მხოლოდ სატელეფონო საუბარი ისმის. მომდევნო სერიებში მაყურებელი მას სხვადასხვა სცენებში იხილავს.Homeland-ის მეშვიდე სეზონის პრემიერა თებერვალში შედგა. ეს სეზონი 12 ეპიზოდს მოიცავს.