აზრთა სხვადასხვაობა გამოიწვია ზუგდიდის მუნიციპალიტეტის ჭითაწყარის №4 სასაფლაოს ნაწილისთვის პანთეონის მინიჭების შესახებ საკითხის განხილვამ. საკრებულოს ოპოზიციური პარტიების დეპუტატები პანთეონის გახსნის წინააღმდეგი არიან.თუმცა ერთსულოვნება ამ საკითხთან დაკავშირებით არც მმართველ გუნდშია. საბოლოოდ გადაწყდა, რომ საკითხი ფართო განხილვის საგანი უნდა გახდეს და შესასწავლად ისევ კომისიას დაუბრუნდა. “ვფიქრობ, რომ სხვა, უფრო მნიშვნელოვანი პრობლემებია მუნიციპალიტეტში, ვიდრე ეს პანთეონია. მთელი ამ დროის დაკარგვა იმის მსჯელობაზე, გვქონდეს თუ არა პანთეონი, მიზანშეწონილად არ მიგვაჩნია“- განაცხადა ფრაქცია „ნაციონალური მოძრაობის“ თავმჯდომარე ანა წითლიძემ. იგივე მოსაზრებას იზიარებს „ევროპული საქართველოც“. „გაუგებიარია, რა კრიტერიუმებით უნდა შეირჩეს ის ადამიანები, ვინც იქ უნდა დაიკრძალოს“- აცხადებს ბათლომე შელია.
ჭითაწყარის №4 სასაფლაოს ნაწილისთვის პანთეონის მინიჭების საკითხთან დაკავშირებით მმართველ გუნდშიც აზრთა სხვადასხვაობაა
Published on