„კეთილი ინებეთ და დაინტერესდით ჩვენი პრობლემებით“- განმუხურელები ადგილობრივ ხელისუფლებას უყურადღებობაში ადანაშაულებენ და გაზიფიცირების მოგვარებას ითხოვენ

0
406

საკრებულოს სხდომაზე განმუხურის მოსახლეობამ გაზიფიცირების საკითხი დააყენა. ადგილობრივებმა ხელისუფლება უყურადღებობაში დაადანაშაულეს.„არანაირი შეღავათი არ გვაქვს განმუხურელებს, საზღვირსპირა სოფლის მცხოვრებლებს, რომელთაც ფაროსანამ მოსავალი გაგვინადგურა, საქონელი რომ სახლიდან გადის, უკან არ გვიბრუნდება, საქონელმა არ იცის საზღვარი…. კეთილი ინებეთ, შეაწუხეთ ზემდგომები შემოიყვანეთ უფასო გაზი, დაინტერესდით ჩვენი პრობლემებით“- განაცხადა ოდიკ ჭაფანძემ. ფრაქცია „ნაციონალურმა მოძრაობამ“ განმუხურელების მოთხოვნა გაზიფიცირებაზე 200 კაცის ხელმოწერით საკრებულოზე წარადგინა.“სწორედ „ქართული ოცნების დაპირება იყო განმუხურში უფასო გაზიფიცირება, თუმცა როგორც ირკვევა იქ ახლა მოსახლეობას გარკვეულ თანხებს თხოვენ“- განაცხადა ანა წითლიძემ. საკრებულოს თავმჯდომარის მოადგილე განმუხურელებს დაპირდა, რომ ადგილობრივი ხელისუფლება საკითხით დაინტერესდება.

წინა სტატია“ნაბახუსევი ხარ და ნერვები დაიმშვიდე“… „დემაგოგი ხარ და ელემენტარული საკითხი არ იცი“- დაპირისპირება საკრებულოს სხდომაზე [Video]
შემდეგი სტატიაჭითაწყარის №4 სასაფლაოს ნაწილისთვის პანთეონის მინიჭების საკითხთან დაკავშირებით მმართველ გუნდშიც აზრთა სხვადასხვაობაა
ტელეკომპანია ოდიშის საინფორმაციო სამსახური