9 აპრილიდან ბრწყინვალე შვიდეული იწყება

0
375
9 აპრილიდან ბრწყინვალე შვიდეული იწყება. ბრწყინვალე შვიდეულის ყოველ დღეს ტაძრებში სადღესასწაულო ლიტურგია სრულდება. საქართველოს მართლმადიდებელი ეკლესია ბრწყინვალე შვიდეულის ორშაბათს საფლავთა კურთხევას აღნიშნავს. ამ დღეს მორწმუნეები მიცვალებულთა საფლავებზე გადიან, რათა უფლის აღდგომა მათაც ახარონ. მათ თან პასქა და წითელი კვერცხები მიაქვთ.10 აპრილს, ბრწყინვალე შვიდეულის სამშაბათს, ივერის ღვთისმშობლის ხატის დღესასწაულია, 1616 წელს გარეჯში წამებული 6 000 ბერის და ასევე, მანგლელი ეპისკოპოსის წმ. იოანეს (1751) ხსენების დღეა.11 აპრილს, ბრწყინვალე შვიდეულის ოთხშაბათს, ღმრთისმშობლის ხატის „მსწაფლშემსმენელის“ ხსენებაა. 13 აპრილს, ბრწყინვალე შვიდეულის პარასკევს კი „წყარო ცხოვრებისად“ წოდებული ღმრთისმშობლის ხატის დღესასწაული.აღდგომის შემდეგი კვირა მსგეფსია, რაც იმას ნიშნავს, რომ მორწმუნეებს ყველანაირი პროდუქტის მიღება შეუძლიათ. 
 
წინა სტატიაზუგდიდში 9 აპრილს დაღუპულები გაიხსენეს
შემდეგი სტატია“საქართველოში მოხდება ხელისუფლების ცვლილება და საქართველო დაბრუნდება ევროპის რუკაზე” – მიხეილ სააკაშვილი
ტელეკომპანია ოდიშის საინფორმაციო სამსახური