მთავარისიახლეებისაზოგადოებამეუფე გერასიმეს ლოცვა-კურთხევით უდიდესი საუფლო დღესასწაული - აღდგომა, ზუგდიდში პირველად ფოიერვერკებით...

მეუფე გერასიმეს ლოცვა-კურთხევით უდიდესი საუფლო დღესასწაული – აღდგომა, ზუგდიდში პირველად ფოიერვერკებით აღნიშნეს [Video]

Published on

იერუსალიმის მაცხოვრის ტაძარში, დიდ შაბათს, წმინდა ცეცხლის გადმოსვლა მორწმუნეებისთვის ქრისტეს აღდგომისა და უფლის მოწყალების უტყუარი ნიშანია. ზეციური ცეცხლი უფლის საფლავზე 7 აპრილს, თბილისის დროით 15.17 საათზე გადმოვიდა. აღდგომის დღესასწაულზე მორწმუნეებისთვის 50-დღიანი მარხვა დასრულდა, რომელიც წელს 19 თებერვალს დაიწყო. აღდგომის შემდეგ, ბრწყინვალე შვიდეული მსგეფსია და ეკლესიურ ადამიანებს ყოველგვარი საკვების მიღება შეეძლებათ. წმინდა სახარების მიხედვით, უფალი იესო ქრისტე კაცობრიობის გადასარჩენად და ცოდვებისგან გამოსასყიდად განკაცდა, ჯვარს ეცვა და მესამე დღეს აღდგა. მართლმადიდებლური სწავლებით, უფალი ჯვარცმით ჯოჯოხეთში ჩავიდა, შემუსრა იგი და იქედან მართალთა სულები ამოიყვანა, რომლებიც ადამისა და ევას ცოდვის შემდეგ ჯოჯოხეთში იმყოფებოდნენ და სამოთხეში ვეღარ ხვდებოდნენ. უფლის აღდგომით ადამიანისთვის სამოთხის კარი კვლავ გაიღო. სააღდგომო ლიტურღია საქართველოს ყველა მოქმედ ტაძარში ჩატარდა. საზეომო წირვა ღამის 11:00 საათზე დაიწყო. ზუგდიდის  ივერიის ყოვლადწმინდა ღვთისმშობლის საკათედრო ტაძარში საზეიმო ლიტურგია ზუგდიდისა და ცაიშის ეპისკოპოსმა მეუფე გერასიმემ აღავლინა. მან მრევლს უდიდესი საუფლო დღესასწაული მიულოცა .
"მსხვერპლის გარეშე გამარჯვება არ არსებობს. ქრისტიანობაში ეს მსხვერპლი თავგანწირვაა და ამისი მაგალითი თავად ღმერთმა მოგვცა ჩვენთვის ჯვარზე გაკვრით. საზოგადოება, რომელიც ცდილობს მოიწყოს ყოველგვარი კომფორტი და დაიკმაყოფილოს სხვადასხვა მოთხოვნილება, დაისახავს კი მიზნად ღვაწლს, რომელიც მსხვერპლად თავგანწირვას მოითხოვს?!"- განაცხადა მეუფე გერასიმემ.
საღვთო მსახურებას ზუგდიდში დაესწრო „ნაციონალური მოძრაობის“ ერთ-ერთ ლიდერი ნიკა მელია საკუთარი და „ეროვნულ-დემოკრატიული“ პარტიის წარმომადგენლებთან ერთად.ლიტურღიის დასასრულს საქართველოს კათოლიკოს-პატრიარქის ილია მეორის სააღდგომო ეპისტოლე წაიკითხეს. ზუგდიდში პირველად აღდგომა ფოიერვერკებით აღნიშნეს.
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...