ქართველი რეჟისორის, ზაზა ურუშაძის ახალი ფილმით „აღსარება" ბუენოს-აირესში, რელიგიური ფილმის საერთაშორისო ფესტივალი (ARFECINE) გაიხსნა. ფესტივალზე ფილმის ჩვენება არგენტინის რესპუბლიკაში საქართველოს საელჩოს, ფესტივალის ხელმძღვანელობისა და ,,Alliance Française”-ეს ორგანიზებით განხორციელდა. – იუწყება „ინტერპრესნიუსი'' საქართველოს საგარეო საქმეთა სამინისტროს ინფორმაციაზე დაყრდნობით
უწყების ინფორმაციით, ფილმის ჩვენებას დაესწრნენ ბუენოს-აირესში აკრედიტებული დიპლომატიური კორპუსის, არგენტინული საზოგადოების კულტურული და პოლიტიკური წრეებისა და ქართული დიასპორის წარმომადგენლები.
დამსწრე საზოგადოებას მისასალმებელი სიტყვით მიმართა არგენტინაში საქართველოს ელჩმა, ირაკლი ყურაშვილმა.
აღსანიშნავია, რომ ცნობილ არგენტინულ კინოფესტივალზე ქართული ფილმის ჩვენება არგენტინაში საქართველოს პირველი დემოკრატიული რესპუბლიკის 100 წლისთავისადმი მიძღვნილი ღონისძიებების ფარგლებში გაიმართა.
.