ყაზბეგში, მყინვარწვერზე სამთო მაშველებმა ბელგიელი ალპინისტის ცხედარი იპოვეს. ვიდეოს საგანგებო სიტუაციების მართვის სამსახური ავრცელებს."საგანგებო სიტუაციების მართვის სამსახურის სამთო მაშველების მიერ სტეფანწმინდაში, მყინვარწვერზე, ზღვის დონიდან 4900 მეტრიდან, ჩამოსვენებულია გარდაცვლილი ალპინისტის ცხედარი", – წერია ინფორმაციაში.5 აპრილს სამაშველო ღონისძიებები 4 საათის განმავლობაში მიმდინარეობდა, თუმცა საქაერონავიგაციის ვერტმფრენმა ცუდი ხილვადობის გამო შემთხვევის ადგილზე დაშვება ვერ შეძლო.მომხდარ ფაქტზე შინაგან საქმეთა სამინისტრომ გამოძიება 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.უბედური შემთხვევა 5 აპრილს მოხდა. ბელგიელი ალპინისტების ჯგუფს თოკი გაუწყდა, რის შედეგადაც ერთი მთამსვლელი დაიღუპა, მეორემ კი მყინვარის ფერდობიდან მეტეოსადგურამდე ჩამოსვლა შეძლო. ბელგიელ ალპინისტებს გიდობას ქართველი სპეციალისტი უწევდა, რომელიც ასევე მეტეოსადგურის ტერიტორიაზე დაბრუნდა.