„საქართველოს რკინიგზამ“ აღდგომის დღესასწაულთან დაკავშირებით, მგზავრების მომატებული რაოდენობის გამო დამატებითი რეისები დანიშნა.

 

„საქართველოს რკინიგზის“ ინფორმაციით, 5, 6, 7, 9 და 10 აპრილს დამატებითი რეისი ინიშნება თბილისი-სენაკი-თბილისის მიმართულებაზე.

 

კერძოდ, 5, 6, 7, 9 და 10 აპრილს 4 ვაგონიანი ელექტრომატარებელი (#878) თბილისის ცენტრალური ვაგზლიდან 8:50 საათზე გავა, სენაკში 13:08 საათზე ჩამოვა, სენაკიდან კი (#877) 19:45 საათზე გამოვა და თბილისში 23:59 საათზე ჩავა.

 

,,ამავე პერიოდში დამატებით რეისები ინიშნება თბილისი-ბათუმი-თბილისის მიმართულებითაც. მატარებელი თბილისის ცენტრალური ვაგზლიდან 10:30 საათზე გავა და ბათუმში 15:30 საათზე ჩავა, ბათუმიდან კი 17:10 საათზე გამოვა და თბილისში 22:03 საათზე ჩამოვა.'' – ნათქვამია ,,საქართველოს რკინიგზის'' განცხადებაში