პარლამენტი ე.წ. ქურდული სამყაროს შესახებ კანონპროექტსა და ორგანიზებულ დანაშაულთან დაკავშირებით კანონში შესატან ცვლილებებს განიხილავენ. ბედის ირონიით, ამის შესახებკმაყოფილი სახით აცხადებს იურიდიული კომიტეტის თავმჯდომარე ეკა ბესელია, ანუ ის, ვინც ამ რამდენიმე წლის წინ გამწარებული კრუხივით იცავდა ,,სააკაშვილის მთავრობის მიერ შევიწროებული ამ ხალხის'' ინტერესებს და რომლის ინიციატივით გაიღო ციხის კარები მოულოდნელად ,, პოლიტპატიმრებად მონათლული'' ქურდებისათვის.
სიახლე სანქციების მნიშვნელოვნად გამკაცრებას გულისხმობს და ე.წ- ქურდულ სამყაროსთან კავშირი განსაკუთრებით მძიმე კატეგორიის დანაშაული ხდება.
„ზუსტდება შემადგენლობა, იხვეწება დეფინიცია და არის მიდგომები, რომ იყოს უფრო ეფექტური და გამართული სამართლებრივად, მეორე მოსმენით უკვე კომიტეტმა დაუჭირა მხარი და სესიაზე იქნება განსახილველად“- აცხადებს იგი.
ოპოზიციაში მიესალმებიან კანონის გამკაცრებას, თუმცა აცხადებენ, რომ შექმნილ ვითარებაში მას რეალური შედეგი არ მოჰყვება, რადგან მათი მტკიცებით, ხელისუფლებას ე.წ. ქურდული სამყაროს წევრებთან ბრძოლა არ სურს., არ არსებობს საამისო პოლიტიკური ნება და ამიტომ კანონში ცლილებები ფორმალობად დარჩება, რეალურად კი ,,ორგანიზებული დანაშაული“ ამით არ დამარცხდება – აცხადებს „ნაციონალური მოძრაობის“ ერთ-ერთი ლიდერი ხატია დეკანოიძე.