ზუგდიდში ზვიად გამსახურდიას ძეგლი ყვავილებით შეამკეს. 31 მარტი საქართველოს პირველი პრეზიდენტის, ეროვნული გმირის ზვიად გამასახურდიას დაბადების დღეა. პირველი პრეზიდენტის 79 წლის იუბილეს სიმბოლურად, ზუგდიდის მუნიციპალიტეტის საკრებულოს სხდომათა დარბაზს ზვიად გამსახურდიას სახელი მიენიჭა. ეს თარიღი მნიშვნელოვანია იმითაც, რომ 1991 წლის 31 მარტს საქართველოში საყოველთაო სახალხო რეფერენდუმი გაიმართა, რომელშიც სახელმწიფოებრივი დამოუკიდებლობის აღდგენას მხარი დაუჭირა საარჩევნო ხმის უფლების მქონე მოსახლეობის 98-მა პროცენტმა.