ზუსტად ერთი წელი გავიდა იმ დღიდან, როდესაც საქართველოდან – ქუთაისის საერთაშორისო აეროპორტიდან ევროზონაში – ბუდაპეშტში საქართველოს მოქალაქეები უვიზოდ პირველად ჩავიდნენ. რეისით სულ 176-მა მგზავრმა იფრინა. ამავე დღეს ფრენა შესრულდა სალონიკისა და ვარშავის მიმართულებით.დღეს შენგენის წევრ ქვეყნებში უვიზოდ ათასობით ადამიანი მოგზაურობს.შეთანხმებას ევროკავშირის საბჭომ და ევროპარლამენტმა 2016 წლის 7 დეკემბერს მიაღწიეს. სტრასბურგში კენჭისყრა თავდაპირველად იანვარში დაინიშნა, შემდეგ კი თებერვლისთვის გადაიდო.
2016 წლის 2 თებერვალს ევროპარლამენტარების წინაშე ანგარიშით წარდგა საქართველოს საკითხზე თანამომხსენებელი, ბულგარელი დეპუტატი მარია გაბრიელი. ამას მოჰყვა კენჭისყრა, სადაც ევროდეპუტატებმა თითქმის ერთსულოვნად დაუჭირეს მხარი საქართველოს მოქალაქეებისთვის ვიზების ლიბერალიზაციას.
533 მომხრე, 66 წინააღმდეგი, 28-მ თავი შეიკავა, – ასეთი იყო ისტორიული შედეგი, რომელიც ევროპარლამენტის ტაბლოზე დაფიქსირდა.