პარლამენტში ვიზალიბერალიზაციის თემაზე საგარეო საქმეთა და შს მინისტრების მოადგილეებს მოუსმენენ

საქართველოს პარლამენტში დღეს საგარეო საქმეთა და შინაგან საქმეთა მინისტრების მოადგილეებს ელოდებიან. ვახტანგ მახარობლიშვილს და ნინი ჯავახაძეს კანონმდებლები საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე მოუსმენენ.შეხვედრის თემა საქართველოს ვიზალიბერალიზაციის ერთი წელი იქნება. დეპუტატები მოისმენენ, თუ როგორი იყო უვიზო მიმოსვლის ერთი წელი, რა გამოწვევების წინაშე დგას საქართველო და რა სიახლეებია დაგეგმილი ამ მიმართულებით.უწყებების წარმომადგენლები ვიზალიბერალიზაციის საინფორმაციო კამპანიის მესამე ტალღაზეც ისაუბრებენ. შეხვედრა საქართველოს პარლამენტში 12:00 საათზეა ჩანიშნული.საქართველოსთვის ვიზალიბერალიზაციის შეჩერების მექანიზმის შესაძლო ამოქმედებასთან დაკავშირებული პრობლემა დღის წესრიგში ევროკომისიის დასკვნის შემდეგ დადგა.ვიზალიბერალიზაციის ამოქმედებიდან 10 თვის შემდეგ საქართველომ პირველი გაფრთხილება მიიღო. მთავარ გამოწვევად თავშესაფრის მაძიებელთა რაოდენობის ზრდა დასახელდა.2016 წელს თავშესაფრის მისაღებად განაცხადი 625-მა მოქალაქემ შეავსო, 2017 წელს კი მსურველთა რაოდენობა – 1570-მდე გაიზარდა. ქართველებისთვის ყველაზე სასურველ ქვეყნებს შორის შვედეთი და ისლანდია მოხვდა.პრობლემად ისევ დასახელდა ორგანიზებულ დანაშაულში ქართველების მონაწილეობა. ქურდობა და ყაჩაღობა განსაკუთრებით ხშირია: საფრანგეთში, გერმანიაში, იტალიაში, საბერძნეთსა და ესპანეთში. ამ ფონზე საქართველოს მთავრობა სანქციების გამკაცრებაზე დაფიქრდა. მთავრობის წევრები მოქალაქეებს ამ მონაპოვრის გაფრთხილებისკენ მოუწოდებენ.

პარლამენტში ვიზალიბერალიზაციის თემაზე საგარეო საქმეთა და შს მინისტრების მოადგილეებს მოუსმენენ

სიახლეები

ბიძინა ივანიშვილის ადვოკატის განცხადება ამჯერად “მართულ საერთაშორისო მედიას” ეხება

ელენე ხოშტარია დააკავეს

ქრთამის სახით 650 ლარის აღების ფაქტზე სურსათის ეროვნული სააგენტოს თანამშრომელი დააკავეს

ტრამპი- იქნება ეს ბუნებრივი აირი თუ სიგარეტი, ევროპა რუსეთიდან არაფერს არ უნდა ყიდულობდეს