ჭიათურის მაღაროში მუშა დაიღუპა

0
413
ჭიათურაში, შუქრუთის მაღაროში მუშა დაიღუპა.მაღაროს ჩამონგრევის შედეგად გვირაბგამყვანის პოზიციაზე მომუშავე 45 წლამდე ზაზა აბრამიშვილი ნანგრევების ქვეშ მოყვა და გარდაიცვალა.შემთხვევა დაახლოებით 05:00 საათზე მოხდა.
როგორც მაღაროელები ამბობენ, მაღაროს ჭერიდან დიდი ზომის ლოდები ჩამოიშალა და ერთ-ერთი ლოდი სწორედ ზაზა აბრამიშვილს დაეცა.მაღაროელები ამბობენ, რომ უბანი, რომელშიც ბრიგადა სამუშაოებს აწარმოებდა ავარიული იყო, თუმცა მაღაროს ადმინისტრაცია მუშებს მაინც ავალდებულებდა იქ მუშაობას.“გამოსაკვლევია ისიც, ადგილი სადაც უბედური შემთხვევა მოხდა, რატომ იყო გადაუმაგრებელი და რატომ მუშაობდა ბრიგადა ღია სამთო მასის ქვეშ”, – აცხადებენ მეტალურგთა, მეშახტე-მაღაროელთა და ქიმიკოსთა პროფკავშირებში და ამბობენ, რომ შემთხვევის შედეგად დეტალური ინფორმაცია სამთო მაშველის მონათხრობზე დაყრდნობით, დარგობრივი პროფესიული კავშირის ჭიათურის პირველადი პროფკავშირული ორგანიზაციის წარმომადგენელმა მიაწოდათ.შემთხვევის ადგილზე სამაშველო ოპერაცია ამ დრომდე მიმდინარეობს. გამოძიება სსკ-ის 240-ე მუხლის მეორე ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია
წინა სტატიაზუგდიდში ნაპოვნი ჩვილის მდგომარეობა დამაკმაყოფილებელია, ის მინდობითი აღზრდით მიმღებ ოჯახს გადაეცემა
შემდეგი სტატიააზიურ ფაროსანასთან ბრძოლა იწყება – აცხადებენ გარემოს დაცვისა და სოფლის მეურნეობის სამინისტროში
ტელეკომპანია ოდიშის საინფორმაციო სამსახური