პოლონეთის საგარეო საქმეთა სამინისტრომ ვარშავაში რუსეთის ელჩს, სერგეი ანდრეევს ქვეყნიდან რუსი დიპლომატების გაძევების გადაწყვეტილების შესახებ შეატყობინა. აღნიშნული ინფორმაცია რუსეთის ელჩმა ჟურნალისტებთან საუბარში დაადასტურა.დღეს ცნობილი გახდა, რომ პოლონეთის, ლიტვისა და ლატვიის საგარეო საქმეთა სამინისტროებში რუსეთის ელჩები დაიბარეს.ბრიტანეთში, სოლსბერიში მომხდარ ინციდენტთან დაკავშირებით, დღეს შესაძლოა ევროკავშირის სხვა ქვეყნებმაც მიიღონ რუსი დიპლომატების გაძევების გადაწყვეტილება.
შეგახსენებთ, რომ ГРУ-ს ყოფილი პოლკოვნიკი სერგეი სკრიპალი და მისი ქალიშვილი ბრიტანეთში 4 მარტს მოწამლეს. ამის გამო, დიდმა ბრიტანეთმა 23 რუსი დიპლომატის გაძევების გადაწყვეტილება მიიღო, რასაც რუსეთმა 23 ბრიტანელი დიპლომატის გაძევებით უპასუხა.