აზიური ფაროსანას გამოსვლას დაახლოებით, გაზაფხულის ბოლოს არის მოსალოდნელი.
მოსახლეობა მთელი ზამთრის განმავლობაში ამჩნევდა თოთო-ოროლა მწერს, რომელიც თბილ სახლებს იყო შეხიზნული, თუმცა მათი მასიური გამოჩენისა და გამრავლების ეტაპი აწი დაიწყება.
გარემოს დაცვისა და სოფლის მეურნეობის მინისტრის მოადგილე ნოდარ კერესელიძე აცხადებს, რომ , იმ ტერიტორიებზე, სადაც სახელმწიფოა ჩართული, ბრძოლის ღონისძიებები მალე დაიწყება.
„ამ ეტაპზე ფერმერთა ცნობიერების ამაღლების კამპანიები მიმდინარეობს. მუდმივ რეჟიმში ჩვენს ფერმერებთან ყოველდღიურად ასობოთ შეხვედრა იმართება, რათა მოხდეს კომუნიკაცია, რომ მათ გავაცნოთ იმ ბრძოლის ღონისძიებები, რომელიც აუცილებელია აღნიშნულ მწერთან ბრძოლის კუთხით. ჩვენ მწერის გამოსვლას დაახლოებით, გაზაფხულის ბოლოს ველოდებით. იმ ტერიტორიებზე, სადაც სახელმწიფოა ჩართული, ბრძოლის ღონისძიებები დაიწყება. პარალელურად, ჩვენ რა თქმა უნდა, ფერმერებთან ვაგრძელებთ მუშაობას, რათა მათი ინფორმირება იყოს სათანადო და თავიანთ ბაღებსა და ნაკვეთებში შესაბამისი ღონისძიებები განახორციელონ, – განაცხადა ნოდარ კერესელიძემ.
მისივე თქმით, დონორებმა აზიურ ფაროსანასთან ჩვენს დასახმარებლად ა დაახლოებით, 5 მილიონი აშშ დოლარი გამოყვეს.
„რა თანხებიცაა მობილიზებული, როგორც სახელმწიფო ბიუჯეტიდან, ასევე დონორების მხრიდან, წლევანდელი ღონისძიებებისთვის საკმარისია" – განაცხადა ნოდარ კერესელიძემ.