ზუგდიდის მუნიციპალიტეტის სოფელ კახათში ბიძინა ივანიშვილის დენდროლოგიურ პარკში გადასატანად ევკალიპის ხეა გამზადებული.
ხე უკვე ტრაილერზეა, თუმცა ცენტრალურ ტრასაზეა გაჩერებული, ადგილობრივების ინფორმაციით, ხის ტრანსპორტირებისთვის მეორე ტრაილერს ელოდებიან. სოფლის მოსახლეობა ამბობს, რომ დილიდან არ მიეწოდებათ ელექტროენერგია, რასაც ივანიშვილის ხის გადატანა უკავშირებენ.“ დილიდან არ არის შუქი, ალბათ იმიტომ, რომ ბიძინას ხე გადააქვს“- ამბობს ერთ-ერთი ქალბატონი, მისივე თქმით ცენტრალურ ზოლში ხის ტრანსპორტირების გამო ხეები გაიჩეხა. დილიდან ელ.ენერგია არც ქალაქს მიეწოდება.