რიკოთზე მცირე ხნის წინათ მძიმე ავტოსაგზაო შემთხვევა მოხდა – არსებული ინფორმაციით, ტრაილერი გზიდან გადავიდა და ამობრუნდა, რის შედეგადაც მას ცეცხლი გაუჩნდა.
სატვირთოს მძღოლი მიღებული მრავლობითი დამწვრობებისგან დაიღუპა.
ადგილზე ექვსი სახანძრო ბრიგადაა მობილიზებული.
ამ დროისთვის რიკოთზე მოძრაობა ნაწილობრივ შეფერხებულია.
სისხლის სამართლის საქმე სისხლის სსკ-ის 276-ე მუხლის მე-5 ნაწილით მიმდინარეობს, რაც სატრანსპორტო საშუალების უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.