გარემოსდაცვითი ზედამხედველობის სამსახურმა ზუგდიდის მერიის თანამშრომლის მიერ სოციალურ ქსელში გამოქვეყნებული ფოტოს საფუძველზე საქმის მოკვლევა დაიწყო

0
509
გარემოსდაცვითი ზედამხედველობის სამსახურმა ზუგდიდის მერიის თანამშრომლის მიერ სოციალურ ქსელში გამოქვეყნებული ფოტოს საფუძველზე საქმის მოკვლევა დაიწყო.გარემოსდაცვითი ზედამხედველობის დეპარტამენტის  ბიომრავალფეროვნების კონტროლის სამსახურის უფროსმა მაია ჩხობაძემ "ოდიშინიუსთან" საუბრისას განაცხადა, რომ იაგო ქირიასჩამოერთვა ახსნა-განმარტება, სადაც მან თქვა, რომ ფოტოზე აღბეჭდილი თევზი მოიპოვა საკუთარ მფლობელობაში არსებულ ტბორში და არ გამოუყენებია ე.წ. პილიგანი, არამედ დაიჭირა ბადით. "რა თქმა უნდა, მოხდა ტერიტორიის დათვალირება, ჩაინიშნა ჯიპიეს კოორდინატები და დაიწყო მოკვლევა,თუმცა უნდა გითხრათ, რომ კერძო ტერიტორიაზე, იმ შემთხვევაშიც, რომ მას გამოეყენებინა პილიგანი, ეს კანონდარღვევა არაა. თუმცა, დაწყებულია საქმის წარმოება"- განაცხადა მაია ჩხობაძემ. ჩხობაძის ინფორმაციით, უწყება საბოლოო ინფორმაციას მოკვლევის დასრულების შემდეგ გაასაჯაროვებს.საქმე ეხება ზუგდიდის მერიის ზედამხედველობის სამსახურის უფროსის მოადგილის მიერ სოციალურ ქსელში გამოქვეყნებულ ფოტოს თევზით ხელში.
წინა სტატიადღეს გალის შეხვედრაზე საოკუპაციო საზღვარზე ბოლო ერთი თვის მოვლენებსა და გიგა ოთხოზორიას მკვლელობის საქმეზე იმსჯელებენ
შემდეგი სტატიამესტიაში დაძაბულობა კულმინაციას აღწევს. სვანები ხელისუფლებას ულტიმატუმს უყენებენ.
ტელეკომპანია ოდიშის საინფორმაციო სამსახური