გალში ინციდენტების პრევენციისა და მათზე რეაგირების ფარგლებში მორიგი შეხვედრა მიმდინარეობს.
სუს-ის ანალიტიკური დეპარტამენტის უფროსის, კახაბერ ქემოკლიძის განცხადებით, განსაკუთრებული ყურადღება გიგა ოთხოზორიას მკვლელობის საქმეზე გამახვილდება.
„ამ საქმეს, მოგეხსენებათ, რომ ლოგიკური გაგრძელება არ მოყოლია, ამიტომ საერთაშორისო მონაწილეებს კიდევ ერთხელ შევახსენებთ, რომ აუცილებელია ბრალდებულის დასჯა და ამ საქმის ლოგიკურ ჭრილში დაბრუნება“, – განაცხადა ქემოკლიძემ.
გარდა ამისა, დღეს მხარეები ე.წ. საზღვრის კვეთის ბრალდებით დაკავებულ საქართველოს მოქალაქეებზე, მათ შორის გიორგი ზარანდიასა და მიხეილ წურწუმიაზეც ისაუბრებენ.
საუბარი საოკუპაციო ხაზზე, მიმდებარე ტერიტორიასა და ზოგადად, რეგიონში ბოლო ერთი თვის განმავლობაში მიმდინარე მოვლენებსაც შეეხება