ზუგდიდის საკრებულო  საზოგადოება „ზუგდიდელთან“ ურთიერთობას არ გაწყვეტს. ამის შესახებ „ოდიშინიუსს“ საკრებულოს პრესსამსახურში განუცხადეს.“ისინი ჩვეულებრივი ორგანიზაციაა და მათთვის, ისევე როგოც სხვა ორგანიზაციებისთვის კარი არ ჩაიკეტება.რაც შეეხება პეტიციას, მას საკრებულო განიხილავს და მიიღებს გადაწყვეტილებას“-აცხადებენ საკრებულოში. ხოლო რაც შეეხება მერიას, ამ საკითხზე კომენტარს არ აკეთებენ.მოქალაქე ეგნატე შამუგია ზუგდიდის მერიასა და საკრებულოს „საზოგადოება ზუგდიდელთან“ კავშირის გაწყვეტისკენ მოუწოდებს. პეტიციის ტექსტის ავტორი მიუთითებს, რომ დაუშვებელია, რომ პრორუსული განწყობების გამავრცელებელი, სიძულვილის ენით და ჰომოფობიური დამოკიდებულებებით გამორჩეულმა ადამიანებმა რჩევები მისცენ ზუგდიდის მერს ადგილობრივ საჭიროებებზე და სამოქალაქო მრჩეველთა საბჭოში იყვნენ, როგორც ზუგდიდის მუნიციპალიტეტის მოსახლეობის წარმომადგენლები. პეტიციის ტექსტი manifest.ge-ზე გამოქვეყნდა.