ქუთაისი-წყალტუბოს გზაზე ავტომობილი ხეს შეეჯახა, რის შედეგადაც მეთერთმეტე კლასელი გოგონა გარდაიცვალა.
გარდაცვლილი ქუთაისის მესამე საჯარო სკოლის მოსწავლე იყო. ავტომანქანაში 5 არასრულწლოვანი იმყოფებოდა.
ავტოსაგზაო შემთხვევა გუშინ, საღამოს საათებში მოხდა. ადგილზე სასწრაფო სამედიცინო დახმარების 5 ეკიპაჟი გამოცხადდა. დაშავებულები ინტერვენციული მედიცინის ცენტრსა და რეგიონალურ კლინიკურ საავადმყოფოში გადაიყვანეს. გოგონა ინტერვენციული მედიცინის ცენტრში გამთენიისას გარდაიცვალა. მედიკოსების ინფორმაციით, მას სიცოცხლესთან შეუთავსებელი დაზიანებები ჰქონდა.
შინაგან საქმეთა სამინისტროს ინფორმაციით, გამოძიება 276-ე მუხლის პირველი ნაწილი მიმდინარეობს.